Sommarlukke!

Det er ingen tvil om at eit av høgdepunkta med sommaren (sjølv om ikkje sola skin), er jordbæra – og den beste av dei alle – er Valldallbæra.

Torsdag kjøpte eg ei “bakke” med jordbær på Prix, og nytta høve til å gjere ein innsats for at sommarlukka skal vare litt lenger.

Eg fulgte oppskrifta på baksida av Certo’en, i tillegg til å ha lest bloggen til Tove; På kjøkkenbenken, slik at eg fekk litt ekstra inspirasjon.

I oppskrifta står det 2 kg bær, 1 pk Certo og 500 g sukker. Eg angra litt på mengda med sukker, eg er ikkje glad i søt sylte.

Derfor hadde eg resten av bæra i også, så det blei nok 3 kg bær.

Mmmm! Klar til å blande i sukker og Certo.

Masse god sommarsmak her!

Åtte beger med sylte hamna i frysaren, og eit måtte vi sjølvsagt ha til smak no!

Den var nydlig god!