onsdag, november 17, 2010

Brandal - ei levande bygd

Ein ting er sikkert - her skjer litt av kvart i Brandal!

Dei komande tre helgane har arrangement, og eg ser ikkje vekk i frå at det vert meir også!

20.-21. november - Julemesse på Ishavsmuseet
28. november - Juleverkstad på Pakkhuset. Arr. Brandal Vel
5. desember - Førjulssøndag på Ishavsmuseet og Nissemarsj. Sistnemnde i regi av Brandal IL.

image

Førstkomande helg er det som eg skreiv i går julemesse på Ishavsmuseet. Nokre kreative og driftige damer står bak, og eg håper det vert ein stor suksess.

Søndag 28. november vert det juleverkstad på Pakkhuset. Ideen var min, arrangør er Brandal Vel. Håper det vert vellukka!

Alle som vil bli med er velkomne. Ta med det du vil av materiale, og lag julekort, -gåver eller -pynt, og kom i god førjulsstemning. I tillegg er det sosialt, og kanskje kan vi få litt inspirasjon frå kvarandre også?

Juleverkstedet startar kl 12.00, og vi held det gåande så lenge folk vil. Truleg kjøper vi inn litt “basic” materiale, som folk kan kjøpe frå, men som sagt, ta helst med eige materiale! Arrangementet er gratis, men det er sjølvsagt fullt lovleg å betale nokre kroner til Pakkhuset.

Søndag 5, desember er det førjulssøndag på Ishavsmuseet, med sal av middag, kaffi og kaker.

Same dag arrangerer Brandal IL “Nissemarsj”, med start på Ishavsmuseet. Deltaking i Nissemarsjen er gratis for alle, og alle born vil få Nissemerket etter endt marsj. Vi oppmodar alle til å stille med nissehue.

Start kl 13.00 på Ishavsmuseet. Rute: Ishavsmuseet-Ytredalen til brua-Skulen-Risegarden-Bedehuset-Ishavsmuseet.

Så igjen seier eg velkomne til Brandal!
Håper å sjå deg ein av helgane iallfall!
I Brandal likar vi nemlig godt å få besøk frå utanbygds også ;o)

Ynskjer alle ein god onsdag!

2 kommentarer:

  1. Hehe, he slekt på Brandal, men ej hekje besøkt dei på iallefall ti år :p
    E på bygda det skjer slike sosiale ting! Helst i mindre bygde! :)

    SvarSlett
  2. Søskenbarnet til pappa e gift med Johan Peder Brandal, so he fire tremenninga på Brandal ;)

    SvarSlett